玻璃樽回收行動

大家每天吃吃喝喝，都會用上不少容器。膠樽、鋁罐都有容身之所了，惟有玻璃回收一直都是乏人問津，因為回收玻璃的成本往往都很高，很少環保回收商願意去做。小女吃baby food，一年以來已不知丟了多少個玻璃容器了。匡智會發起的玻璃樽回收活動（其實約三個月之前已開始了，不是甚麼新聞），剛好填埔了踢一踢才動一下的政府，於廢物回收方面的不足。

如果大家也經常使用玻璃容器，請也支持一下！
http://www.hcfc.org.hk/gbrc/

提到匡智會，他們的學園訓練餐廳園景軒結業後，原來在科學園開設了另一家"H Corner"，不過聽說只招待科學園會員。

是日午餐

自細就對排檔粉麵有特別偏好，在斜路上更加係情有獨鍾，今日機緣巧合之下又去到中環吉士笠街既水記食魚蛋粉。

今日食既係魚蛋肉丸粉，其實人地招牌係牛腩、炸雲吞、炸魚皮，不過我唔食牛，煎炸嘢食完今晚睇中醫又會捱駡。

有時食嘢真係唔係食味道，當然味道係好重要，但滿足感可以來自環境、氣氛同埋social interaction。呢度既魚蛋，唔係果啲名牌粉麵檔用既果種，而係有炸皮果種，係冇咁巴閉，但係以前細個果陣食粉麵都係食呢種架啦！我就係滿足於擁有呢種感覺！

昆明十日後記

　　仲記得06年5月MBA Interview (yes, 其實我06年已經In左一次MBA仲收左我，但我因為算死草，想平啲要double master，所以先讀左ISM)，YC (曾淵滄)講過R-Trip係城大MBA Course最valuable，好多師兄師姐讀完都 highly recommend。我完全理解唔到有咩咁巴閉，仲睇左幾次course syllabus睇下係咪compulsory要讀，睇下可唔可以skip左唔讀；出發前，我都仲認為去R-Trip只係學到course上面既野，快d捱過左就算。到今日，我終於明白點解咁highly recommended。

　　十日裡面，見到好多同study本身唔太大關係既野：有同學因為發燒要接受隔離兩日、晚宴發生左d不愉快既事、經歷6級地震 、為左食菇宴被迫飲埋水魚湯、第一日就參加左零團費水魚團... 等等，已經係一個不一樣o既旅程。

　　當然仲有頭五日War Room困獸鬥、晚晚點幾兩點先番房沖涼、第二朝晨咁早又起身繼續戰鬥、同個當地helper鬥智鬥力、rehearsal完大家稍為放鬆日半之後又繼續搏殺至深夜，到最後present完大家不一樣既開懷笑臉...

　　仲有仲有：十五蚊個減到廿蚊三個o既彩虹戰士、manufacturing plant -_-、踫踫車公主 orz、量販KTV、跌Gag王、明老昆珠寶... 一個六十幾人既遊學團，一個三十幾歲既老餅，我諗呢生人入面應該唔會再有第二次（我唔想fail呀!!）。尤其對於我呢D家有兩條Q既，真係一個可一不可再既體驗。

　　番到Office，諗起1025 War Room，諗起由隔離房搬左張寫字枱二合一，加埋無線Router、拖板、$388既Deskjet、四部notebook，一組四個人心力交瘁，有時仲會太攰突然跌Watt，曾幾何時都有諗過自己真係同民升超市打緊工 -____-

　　星期二番到香港，落機拎左行李就衝出機場搭車番屋企睇下個女，睇下佢仲認唔認得我，其實都好掛住佢地；但係番到屋企，午夜夢迴，又會諗番大家在昆明十日大家一齊戰鬥既點點滴滴，掛住小鳳仙同埋怡紅院（都係食野既地方，唔知情者唔好諗埋一面）同埋一個月後交最少10,000字既 final report。

　　睇番其他同學仔既留言，原來大家都有果份感覺。

　　或者，大家番黎之前都冇燒到個稻草人。

中環「偷」餅人 (又名"賤"ger-man)

去過捐血既人都知道，去完捐血站捐血，都會有餅食同埋嘢飲。好多有心人捐完血後都會順手牽餅，都見怪不怪啦。不過今日在中區捐血站，居然俾我見到一個世紀賤精！

放咗工捐完血，去休息室坐一陣先走，果陣得我一個，跟住見到一個中年女人走入黎，職員即刻過嚟俾張表佢填，奇就奇在，一般人拎左張form都即刻埋頭苦幹填啦，佢就拎住張form唔填四圍睇野。我冇佢繼續睇電視，佢就襯呢個時候打開自己個袋，以熟練既手法，一手抓左十包餅擺入去佢個袋度！拎完之後仲望一望我，sorry囉，成個過程我四隻眼都睇到晒。跟住佢就扮無知咁又四圍望，等左一陣佢可能見我唔走，就死死氣填張form。但都係填左好耐、好耐、好耐...

終於等到差不多閂門時間，職員都走過黎睇下佢，佢終於肯去交Form，之後職員帶佢入去會見室，我心諗如果你最終都有捐血，咁都算啦！但係隔左好五分鐘，佢居然由會客室走出黎，直接走出大門！我就係咁樣，眼白白睇住個賤人同果十包餅離開 -____________-

幾年前去日本，見到有當地人在早餐自助餐餐廳偷麵包，印象已經深刻（一直以為日本人唔會做呢啲野）。但呢個賤人，佢跟本一開始就冇心黎捐血。如果唔係我見到佢，佢可能form都唔填，「開完工」就走！在捐血站搵食，咁同入善堂打劫有咩分別？

我的九型人格

九型人格分析

第九型	和平型、和平者、和諧型、維持和諧者 18%
第七型	快樂主義型、豐富型、活躍型、創造可能者、享樂型 13%
第八型	領袖型、能力型、挑戰者、保護者、權威型 13%
第五型	智慧型、觀察者、思想型、理性分析者、思考型 13%
第三型	成就者、事業型、成就型、實踐型 12%
第二型	助人者、全愛型、助人型、成就他人者、博愛型 11%
第六型	忠誠型、忠誠型、尋找安全者、謹慎型 7%
第四型	藝術型、浪漫者、自我型、憑感覺者 7%
第一型	完美主義者、完美型、改革者、改進型、秩序大使 4%

我的九型人格分析？

沙漠中的甘泉

還記得甘泉航空嗎？七個多月前遭清盤後，那四架747飛機就待在赤鱲角的停機坪，待債主或租賃公司收回，上個月也陸續飛走了！

原來這幾隻大鳥被安置在美國南加洲沙漠一個機場 (再找一下資料，原來這個機場曾是奪面雙雄的拍攝場地)，等待它們的新主人。不過在金融海嘯中，要讓人收養也不容易。

Oasis in a desert，很諷刺！

http://www.luchtvaartnieuws.nl/news/?id=28258

中環有鬼

先看這個

再看這個


真是「搵鬼睇咩」！大家都要節約能源呀！